Konfliktet dhe pikëpamjet e ndryshme në politikë kanë qenë shkaku kryesor që detyruan Ilir Metën të këroj divorcin nga Monika Kryemadhi. Në padinë e plotë të depozitauar në gjykatën e Tiranës më datë 20 qershor, presidenti I partisë së Lirisë argumenton se këro qëndrime të kundërta në arenën politike kanë sjellë grindje të herpëashershme në jetën bashkëshortore duke nxitur dhe kontradikta. “Vitet e fundit kam konstatuar fillimisht mosdakordësi dhe kontradikta që kanë ardhur duke u shtuar fillimisht për shkak të qëndrimeve dhe pikëpamjeve të ndryshme në lidhje me zhvillimet në aspektin politiko përfaqësues dhe vendimmarrës por që me kalimin e kohës ato u bënë prezente edhe në raportin tonë bashkëshortorë deri sa kohet e fundit këto mospërputhje qëndrimesh e mendimesh, edhe ndaj njeri-tjetrit kanë sjellë si pasojë grindje të herëpashershme duke tronditur thellë marrëdhënien tonë bashkëshortore.”, thuhet në padi. Më tej Meta argumenton se prej disa muajsh marrëdhënia bashkëshortore me Kryemadhin është ndërprerë edhe në kuptimin e bashkëjetesës duke sjellë si pasojë humbjen e qëllimit të martesës në të gjitha drejtimet. Në këto kushte, Ilir Meta i kërkon Gjykatës caktimin e një ditë gjykimi dhe marrjen e vendimit për zgjidhjen e martesës me të paditurën.