Një pjesë e opozitës në Serbi kanë kërkuar shkarkimin e ministres Snezhana Paunoviç, pas deklaratës së saj gjate një intervist televizive, sepo te kishte qenë në vend të Sllobodan Millosheviç në vitin 1998, do ta kishte spastruar etnikisht Kosovën. Reagime të ashpra erdhën edhe nga Bashkimi Evropian, ku u theksua se "në Evropë nuk duhet të ketë vend për retorikë që arsyeton dhe promovon spastrimin etnik”. Deputeti i Parlamentit Evropian, Sandro Gozi, deklaroi se "Serbia nuk mund të pretendojë se është e përkushtuar ndaj anëtarësimit në Bashkimin Evropian ndërkohë që anëtarë të qeverisë së saj ringjallin retorikën dhe ideologjinë e epokës së Millosheviqit”. Pas reagimeve të forta, Snezhana Paunoviç publikoi një deklaratë ku, në vend që të distancohej nga fjalët e saj, shkroi se "nuk heq dorë nga politika e Partisë Socialiste të Serbisë, e cila sipas saj e udhëhoqi vendin në rrethana historike jashtëzakonisht të vështira”. Në mbrojtje të koleges së partisë së tij doli Zëvendëskryeministri Ivica Daçiç. Ai i quajti sulmet ndaj ministres hipokrite dhe shtoi se "në Kosovë është kryer spastrim etnik ndaj serbëve”, por se kjo "nuk i intereson askujt”. Sakaq, një pjesë e opinionit publik në Serbi, shprehen se deklarata të tilla synojnë të largojnë vëmendjen nga ngjarje të tjera.