Një breshëri plumbash mund të jetë derdhur mbi Donald Trump në Pensilvani të shtunën mbrëma, por në përfundim rezultoi i vrarë edhe një pjesëmarrës në tubim dhe plagosën rëndë dy të tjerë. Plumbat, gjithashtu kanë shënjuar fushatën presidenciale, duke dëmtuar strukturën sociale dhe kulturore të kombit. Iluzioni i sigurisë në politikën amerikane – i ndërtuar gjatë dekadave – është shkatërruar në mënyrë dramatike. Trump mori vetëm lëndime të lehta, por plumbi i kaloi shumë pranë kokës. Që kur Ronald Reagan u qëllua nga John Hinkley Jr në 1981, nuk ka pasur një akt kaq dramatik dhune të drejtuar kundër një presidenti - ose kandidati presidencial. E ai rast të kujton një kohë më të errët në historinë e SHBA-së, më shumë se gjysmë shekulli më parë, kur dy vëllezërit Kennedy – njëri president dhe tjetri kandidat presidencial – u vranë nga plumbat e atentatorit. Udhëheqësit e të drejtave civile si Medgar Evers, Martin Luther King Jr dhe Malcolm X humbën jetën në dhunë politike. Ashtu si sot, edhe vitet 1960 u dëmtuan nga polarizimi dhe mosfunksionim politik, kur një armë zjarri dhe një individ i gatshëm ta përdorë atë kishin në dorë mundësinë e ndryshimit të rrjedhës së historisë.