Policia e kosovës është angazhuar për të siguruar mbarëvajtjen e kremtimit të Vidovanit në Kosovë dhe ka ndërhyrë për të mos lejuar provokimet e mundshme të serbëve në Gazimestan. Pasi kanë detyruar të rinjtë serbë që të zhvishen dhe të heqin bluzat me simbole provokuese, policia ka marrë edhe flamurin e serbisë që mbanin në duar ata. Policia konfiskoi bluzat e të rinjve serbë dhe flamurët serbë, që i konsideroi provokim dhe nxitje të urrejtjes. Në krahasim me vitet e mëparshme, këtë vit është shënuar një numër më i vogël serbësh që i janë drejtuar Gracanicës dhe Gazimestanit për të kremtuar Vidovanin, që lidhet me përvjetorin e 630 të betejës së kosovës, që historia serbe e njeh si fitoren shpirtërore të saj, pavarësisht se forcat ballkanike pësuan një humbje të rëndë dhe u vra edhe princi serb Llazar.