Territoret malore në Krujës, Lezhës e Kurbinit kanë qenë në monitorimin e vazhdueshëm të policisë, me qëllim goditjen e paligjshëmërisë së kultivimit të kanabisit. Në sajë të fazës së 24 të megaoperacionit policor antikanabis të koduar “Territor i pastër”, në Krujë policia gjeti dhe asgjësoi 304 bimë narkotike kanabis në lagjen Micjon, Borizanë. Si pasojë në pranga u vendos njëri prej autorëve të dyshuar, shtetasi me inicialae SD 60 vjec dhe u shpall në kërkim bashkëunëtori i tij, shtetasi K. D., 49 vjeç, të dy banues në Borizanë. Më parë, në kuadër të këtij operacioni, janë gjetur dhe asgjësuar 12 663 bimë narkotike kanabis. Në qarkun e Lezhës, konretisht në rrethet Lezhë dhe Kurbin, u asgjësuan total 875 bimë narkotikë cannabis sativa, të kultivuara në tokë. Gjatë kontrolleve të ushtruara në fshatin Malbardhë, Kurbin, policia gjeti të kultivuara në tokë, në disa parcela, 188 bimë kanabis, të cilat u asgjësuan nëpërmjet djegies.