Një tjetër sasi bimësh narkotike u asgjësua në Krujë, nga shërbimet e policisë, të cilët prej kohësh kanë qenë nën monitorim të vazhdueshëm të territoreve malore në këtë zonë, me qëllim goditjen e paligjshëmërisë së kultivimit të kanabisit. Në sajë të fazës së 24 të megaoperacionit policor antikanabis të koduar “Territor i pastër”, policia gjeti gjeti dhe asgjësoi 304 bimë narkotike kanabis, të cilat u gjetën në lagjen Micjon, Borizanë. Si pasojë në pranga u vendos njëri prej autorëve të dyshuar, shtetasi me inicialae SD 60 vjec dhe u shpall në kërkim bashkëunëtori i tij, shtetasi K. D., 49 vjeç, të dy banues në Borizanë. Më parë, në kuadër të këtij operacioni, janë gjetur dhe asgjësuar 12 663 bimë narkotike kanabis. Shërbimet e Komisariatit të Policisë Krujë kanë vijuar intensivisht kontrollet në fshatra të ndryshme të rrethit, me qëllim parandalimin dhe goditjen që në fazë fillestare, të tentativave për të kultivuar bimë narkotike.