Komisariati i Policisë Rrugore Tiranë ka bllokuar brenda një jave 16 automjete, për targa të huaja për verifikim, detyrime të palekuiduara dhe për mungesë dokumentacioni. Në një bilanc të javës 22 janar deri 28 janar janë arrestuar 27 persona ku 8 prej tyre për drejtim mjeti në gjendje të dehur, 4 për drejtim mjeti pa leje drejtimi, 3 për aksidente rrugore dhe largim nga vendngjarja, 7 për korupsion aktiv dhe 5 për kombinim të drejtimit të mjetit në gjendje të dehur ose nën ndikim të lëndëve narkotike dhe korupsion aktiv. Po ashtu Policia ka vendosur, 9170 masa administrative, ku 197 për xhama të zinj, 499 për shpejtësi mbi normat, 451 për përdorim celulari gjatë drejtimit, 381 për mosvendosje të rripit të sigurimit, 77 për mosvendosje të kaskës mbrojtëse, 320 për mosdhënie përparësie këmbësorëve, 6069 për qëndrim të gabuar. Gjithashtu Komisariati i Policisë Rrugore Tiranë ka vendosur 56 masa administrative që parashikojnë pezullim të lejes së drejtimit.