Policia e Nju Jorkut arrestoi dhjetëra protestues propalestinezë që ishin izoluar brenda një ndërtese në kampusin e Universitetit të Kolumbias në orët e vona të së martës. Pas arrestimeve, policia arriti t’i shpërndajë protestuesit, gjë që drejtuesit e e universitetit kishin tentuar ta bënin prej thuajse dy javësh. Menjëherë pasi policia hyri brenda ndërtesës ku protestuesit po rrinin, presidentja e Universitetit të Kolumbias, Minouche Shafik, publikoi një letër në të cilën i kërkoi policisë të qëndronte në kampus deri të paktën më 17 maj, dy ditë pas ceremonisë së diplomimit, “për të ruajtur rendin dhe për të siguruar që kampet të mos ringrihen”.