Për tre orë opozita do të bllokojë këtë të hënë disa rrugë kryesor në kryeqytet në kuadër të aksionit opozitar që po zhvillon kundër qeverisë, ku kërkesë kryesore është qeveria teknike. Duke fillua nga ora 17:00 deri më 20:00 Unaza e vogël, rreth rrotullimi te Zogu i Zi, ura afër xhamisë në Rrugën e Elbasanit, sheshi “Wilson” dhe nga pallati me shigjeta drejt Rrugës së Kavajës do të jenë të jenë të pakaluehsme për mjetet për shkak të tubimit. Policia thotë se ka ndërmarrë të gjitha masat ndërsa I ka kthyer përgjigje Partisë Demokratike se nuk garanton protestat që bllokojnë rrugët. Uniformat blu theksojnë se bllokimi i akseve rrugore është vepër penale e parashikuar nga neni 293 i Kodit Penal dhe cilido që do të ndërmarrë veprime për të mos lejuar qarkullimin e mjeteve, do të përballet me pasoja. Ndërkohë nga ana tjetër policia ka marrë të gjitha masat që të devijojë qarkullimin e automjeteve në rrugë alternative.