Pesë persona që ishin në kërkim nga policia e shtetit, u ndaluan në kuadër të operacionit të koduar Catch dhe u dërguan në paraburgim, pas komunikimit të dënimit dhe masës së arrestit të caktuar ndaj tyre për kryerjen e veprave të ndryshme penale. Fatmir Bejko u kap nga specialistët për hetimin e krimeve të rënda, pas një urdhri të lëshuar nga prokuroria, për shkak se ndaj tij është caktuar më herët masa e sigurisë arrest në burg për veprën penale “Vrasja me dashje” e mbetur në tentativë. Në muajin shkurt të vitit 2024, 32 vjecari goditi me mjet prerës një shtetas pas një konflikti për motive të dobëta. Shërbimet e komisariatit numër 4 vendosën në pranga Rahim Bajraktarin, i dënuar më herët me 1 muaj e 8 ditë burgim nga gjykata e Tiranës për veprën penale “Dhuna në familje”. U ndaluan nga policia edhe tre persona të tjerë për vepra penale që lidhen me prodhimin dhe shitjen e narkotikëve. Konkretisht Gëzim Lloti i dënuar me 5 vite burg, Gloris Rica si edhe Eralf Hima. Këto shtetas do të dalin përpara togave të zeza për vlerësimin e kushteve të masës së sigurisë.