Ministria e Brendshme ka hedhur për konsultim një projektligj që ngre pranë Drejtorisë së Përgjithshme të Policisë së Shtetit një strukturë të re, detyrat fusha e veprimit e së cilës do të jetë gjurmimi dhe më pas ngrirja dhe më pas konfiskimi i pasurive me burim aktivitetet kriminale. Struktura e quajtur si Zyra e Rikuperimit të Aseteve, sipas projektligjit të hedhur për konsultim do të gjurmojë dhe identifikojë pasuritë që lindin nga veprimtari kriminale dhe që më pas mund të sekuestrohen, apo konfiskohen përmes vendimeve të gjykatave.