Mariusz Kaminski dhe Maciej Ëasik ishin deri pak kohë më parë ndër njerëzit më të fuqishëm në Poloni. Njëri ministër i Brendshëm në qeverinë e Mateusz Moraëieckit, ndërsa tjetri, numri dy pas tij. Pas ndryshimit të pushtetit në dhjetor, të dy politikanët përfaqësonin partinë Ligj dhe Drejtësi në parlament, tani grupimi më i madh opozitar. Por të martën në mbrëmje, Kaminski dhe Ëasik u arrestuan në pallatin presidencial në Varshavë nga ish-vartësit e tyre dhe u dërguan në burg. Një gjykatë më herët kishte urdhëruar që dy politikanët të mbaheshin në një qendër paraburgimi. Gjykatësit i dënuan ata në dhjetor 2023 me nga dy vjet burg secili, për tejkalim të kompetencave të tyre në 2007. Në atë kohë, ata drejtonin agjencinë kundër korrupsionit CBA dhe ishin fajtorë për shpërdorim detyre, sipas gjykatës. Përpjekja e parë për të zbatuar urdhrin dështoi të martën në mëngjes. Kur policia u shfaq para shtëpive të politikanëve, të kërkuarit ishin tashmë në rrugë për të takuar presidentin polak Andrzej Duda. Kreu i shtetit, i cili vjen nga i njëjti kamp politik me ta dhe nuk e ka fshehur asnjëherë afërsinë e tij me partinë Ligj dhe Drejtësi, i kishte ftuar Kaminskin dhe Ëasik në një aktivitet në rezidencën e tij zyrtare, nga ku nuk dolën më. Mbrëmjen e së martës, kur Duda u largua për pak kohë nga rezidenca e tij zyrtare për të marrë pjesë në një takim jashtë saj, policia hyri dhe i arrestoi dy të dënuarit. Partia Ligj dhe Drejtësi flet tani për hakmarrje politike. Ndërkohë, ish ministri i brendshëm Kaminski, ka nisur një grevë urie.