Një medaljon me diamante i gëlltitur nga një burrë nga Zelanda e Re, i cili u përpoq ta vidhte atë, është "gjetur" më në fund, thotë policia. Medaljoni me vezën Fabergé, me vlerë 19,300 dollarë, u gjet në mënyrë "natyrale". "Ndërhyrja mjekësore nuk ishte e nevojshme", tha policia për BBC. Kjo vjen rreth një javë pasi policia arrestoi 32-vjeçarin në Patridge Jeëellers në qendër të Auckland-it, disa minuta pasi ai kishte gëlltitur medaljonin. Ky i fundit ishte i mbuluar me 60 diamante të bardha dhe 15 safirë blu, sipas faqes së internetit të argjendarisë, dhe kur hapet zbulon një oktapod në miniaturë prej ari 18 karatësh. Tani 32 vjecari akuzohet për vjedhje. Më parë këtë javë, policia e Zelandës së Re tha se burri i ishte nënshtruar një vlerësimi mjekësor dhe është duke u monitoruar vazhdimisht.