Goditja e grupeve kriminale shpesh herë është pasuar me sekuestrime pronash e automjetesh, të cilat kanë qenë në pronësi të shtetasve, të përfshirë në aktivitete të paligjshme dhe si rrjedhojë pronat e tyre kanë qenë produkt i veprës penale. Të gjitha mjetet që janë sekuestruar apo konfiskuar nga shëbimet policore në të gjitha rastet kur janë goditur personazhe të botës së krimit, tanimë do i kalojnë policisë së shtetit për të përmbushur nevojat e saj. Automjetet luksoze të shpejta do përdoren nga policia rrugore, ndërsa mjetet e tjera do i vihen në dispozicion Repartit RENEA, për operacione të ndryshme. Si rrjedhojë të gjitha automjetet, apo edhe pronat që deri më tani nxirreshin në shitje me cmimin e tregut, tanimë do i kalojnë flotës së policisë së shtetit. Nuk kanë qenë të pakta rastet kur policia e shtetit me vendim gjykate, ka sekuestruar prona të personave që kanë rezultuar të përfshirë në botën e krimit.