Policia kufitare e Kapshticës shoqëroi në qendrën e përkohshme të strehimit në pikën e kalimit kufitar, tre emigrantë me origjinë nga Sudani, të cilët u panë këtë të dielë të lëviznin në këmbë përgjatë segmentit rrugorë Korçë – Dardhë. Të tre shtetasit, identiteti i të cilëve nuk bëhet i ditur momentalisht, iu nënshtruan kontrolleve mjekësore për shkak të udhëtimit në terren të vështirë dhe kushteve atmosferike jo të favorshme dhe gjendja e tyre shëndetësore fatmirësisht rezultoi e mirë, pa probleme. Sipas informacioneve ata kishin hyrë përmes kufirit të gjelbër nga pika e kalimit kufitar e Greqisë në drejtim të Shqipëisë për tu larguar më vonë drejt vendeve të Bashkimit Evropian. Policia në vijim do të kryejë invervistimin e hollësishëm të tyre si dhe të gjitha procedat e tjera ligjore të nevojshme. Rajoni juglindor i vendit për shkak edhe të pozicionit gjeografik pranë kufirit me shtetin Grek shpesh herë ka qenë problematike sa i përket hyrjes së emigrant të paligjshëm në territorin tonë,. Në shumë raste ato janë pikasur nga policia, ccka më pas shpesh herë ka ccuar edhe në arrestimin e tyre ose të personave që sigurojnë transportimin e tyre drejt vendeve të Bashkimit Evropian. Më herët, një 21-vjeçar sudanez u arrestua pasi, në bashkëpunim me persona të tjerë, ndihmonin emigrantë nga vendet e treta të hynin ilegalisht në Shqipëri dhe më pas të kalonin në Malin e Zi kundrejt pagesës.