Policia ka bllokuar 9 mjete lundruese në bregdetin e Durrësit dhe Sarandës, me qëllim që të minimizojë rrezikun për pushuesit. Sipas një njoftimi, 2 gomone dhe një Jet Ski u bllokuan në plazhin e Ksamilit, Potamit dhe të Golemit, pasi u konstatuan duke lundruar në zona të ndaluara duke rrezikuar pushuesit në këto plazhe. Ndërkohë, përvec bllokimit të mjeteve, policia edhe ka ndëshkuar me gjoba disa shtetas. Një masë administrative prej 110 mijë lekësh të reja ëhstë vendosur për drejtuesin e një mjeti lundrues që sipas policisë, u konstatua në paligjshmëri në Ksamil, ndërsa dy drejtues të tjerë u gjobitën secili me nga 100 mijë lekë të reja. Po ashtu, 3 Jet Ski, 2 skafe dhe 1 gomone u bllokuan pasi pronarëve apo drejtuesve të tyre iu mungonin dokumentet që vërtetonin pronësinë apo dokumente të tjera që kërkohen nga ligji. Secili nga drejtuesit është ndëshkuar me gjobë nga 10 deri në 20 mijë lekë të reja.