Muaji nëntor duket se ka qenë një muaj I frytshëm për Policinë e Shtetit, me qindra të arrestuar e mallrat ë konfiskuar në vlerë më shumë se 1.3 milionë euro. Të dhënat janë bërë publike nga vetë policia e shtetit, e cila nëpërmjet një videoje përmbledhëse dhe një postimi në rrjetet sociale, bën të ditur se vetëm në nëntor kanë rënë në pranga 700 persona për vepra të ndryshme penale. Sipas policisë, gjatë këtij muaji që lam pas, janë kryer në total 104 operacione të ndryshme, teksa janë sekuestruar 124 kilogramë cannabis, disa kilogramë kokainë e ndarë në doza, fidanë hashash, 24 armë e mallrat ë ndryshme të kontrabanduara. Autoritetet bëjnë me dije se vetëm në kuadër të operacionit ‘Tempulli’ janë vënë në pranga 47 prodhues apo shpërndarës të lëndëve narkotike, duke e çuar numrin e të arrestuarve në kuadër të tij, 473.