Efektivi I policisë Nevaldo Hajdaraj që qëlloi për vdekje të riun Klodian Rasha do të përballet tashmë me akuzën ‘Vrasje me dashje’. Prokuroria e Tiranës ka konkretizuar akuzën penale për efektivin e repartit ‘Shqiponja’ i cili qëlloi dy herë me armën e shërbimit ndaj Klodian Rashës, në orët e para të mëngjesit të datës 8 dhjetor, duke i shkaktuar humbjen e jetës 25 vjeçarit. Fillimisht akuza që rëndonte mbi policin ishte ajo e "tejkalimit të kushteve të vetëmbrojtjes" me anë të së cilës rrezikonte vetëm 7 vite burg, por pas analizimit të provave prokuroria ka vendosur që ta ndryshojë atë. Me akuzën e re ‘Vrasje me dashje’ që ka ngritur prokuroria, efektivi I policisë Nevaldo Hajdaraj rrezikon një dënim deri në 20 vite burg. Prokuroria ka siguruar dhe ka sekuestruar pamjet filmike të subjekteve përreth vendit të ngjarjes të cilat japin një tablo më të qartë të dinamikës së saj. Prokuroria bën me dije se policia Nevaldo Hajdaraj ka qëlluar nga një pozicion i shtrirë drejt Klodian Rashës, njësoj siç ka qenë dhe në dëshminë e efektivit. Filmimi ka zbuluar se I riu ,është qëlluar nga polici teksa ishte duke u larguar me vrap në rrugicën që të çon drejt banesës së viktimës. Polici ka marre pozicionim per te qelluar dhe ka hapur zjarr dy here me armen e sherbimit. Në bazë të këtyre provave prokuria ka konkluduar në ngritjen e akuzës për ‘Vrasje me dashje. Ndërkohë për armën e gjetur rreth 100 metra pranë vendit ku u vra Klodian Rasha, në një pellg me ujë, nuk është identifikuar ende se kujt I përket. Prokuroria njofton se ka administruar aktin e ekspertimit balistik të pistoletës, por ende nuk dihet se se në çfarë rrethanash ajo armë u gjend pranë vendgjarjes.