Ministri i Punëve të Brendshme, Besfort Lamallari, së bashku me Drejtorin e Përgjithshëm të Policisë së Shtetit, Skënder Hita, vizituan në Spitalin e Traumës dhe në QSUT, punonjësit e Policisë së Shtetit të mbetur të plagosur gjatë protestës së zhvilluar para Kuvendit. Ministri Lamallari dënoi me forcë aktet e dhunës të ushtruara ndaj efektivëve. Për të gjithë ata vandalë, të cilët guxojnë të hedhin gurë ndaj punonjësve të Policisë së Shtetit: Janë identifikuar, do të shoqërohen dhe do të vihen para drejtësisë! Do të marrin përgjigjen më shembullore, që parashikon ligji për ta! Kjo nuk ka të bëjë fare me protestën dhe me shprehjen demokratike të mendimit ndryshe, ky është thjesht një akt kriminal Ndërkohë drejtori i Përgjithshëm i Policisë së Shtetit vizitoi dhe efektivët e tjerë të cilët u lënduan nga vazhdimi i përplasjeve.