Zyrtarët amerikanë kanë paralajmëruar për kërcënimin për jetën që paraqet uragani Milton, i cili për pak kohë u shndërrua në një stuhi të kategorisë së pestë përpara se të kthehej në kategorinë e katërt ndërsa i është drejtuar Floridës. Milton po lëviz aktualisht me erëra që kapin shpejtësinë e 250 km në orë, nga skaji verior i gadishullit Jukatan të Meksikës. Parashikuesit nga Qendra Kombëtare e Uraganeve thonë se dallgë shkatërrimtar të stuhisë "potencialisht katastrofike" janë të mundshme përgjatë zonave bregdetare. Stuhia pritet të godasë qytetin shumë të populluar Tampa Bay, me forcë të plotë të dielën, më pak se një javë pasi shteti u godit nga uragani Helene. Banorëve të Floridas u është thënë të përgatiten edhe për evakuimin më të madh që shteti ka parë në vite. Guvernatori Ron DeSantis tha se koha që njerëzit të largohen drejt vendeve më të sigurta po mbaron.