Parashikimi i frikshëm se një asteroid i konsideruar si 'shkatërrues qytetesh' po lëviz drejt Tokës, ka ndezur këmbanat e alarmit në agjencitë hapësinore të botës. Tani, një shkencëtar i NASA-s ka parashikuar saktësisht se ku mund të godasë asteroidi 2024 YR4. David Rankin, një inxhinier me Projektin Catalina Sky Survey të financuar nga NASA, ka skicuar 'korridorin e rrezikut' sipas trajektores aktuale të asteroidit. Nëse 2024 YR4 me të vërtetë godet Tokën në 2032, ai duhet të bjerë diku në një brez të ngushtë që shtrihet nga pjesa veriore e Amerikës së Jugut përtej Paqësorit deri në Afrikën Sub-Sahariane apo në Azi. Në mënyrë shqetësuese, kjo rrugë shtrihet në disa rajone me popullsi të dendur, duke përfshirë Chennain, Indinë dhe ishullin Hainan, në Kinë. Aktualisht, NASA vlerëson se asteroidi ka ose 2.3 për qind, mundësi për t'u përplasur me planetin më 22 dhjetor 2032.