Këtë muaj na pret një eklips i pjesshëm i hënës. Mbrëmjen e 28 tetorit, toka do të projektojë hijen e saj mbi një pjesë të sipërfaqes së satelitit tonë, që do të errësohet. Fenomeni interesant do të jetë i dukshëm edhe nga shqipëria. Duke nisur nga ora 21.36 minuta, hija e tokës do të fillojë të mbulojë një pjesë të hënës për të përfunduar gjithcka rreth orës 22.53. Maksimumi i eklipsit do të mund të shihet rreth orës 22.15 minuta, kur rreth 12 për qind e diskut hënor do të jetë errësuar nga hija e planetit tonë. Por, qielli gjatë këtij muaji do të ofrojë spektakël pa pushim. Një eklips diellor unazor do të shfaqet në qiell, mbi amerikën veriore, qendrore dhe jugore më 14 tetor, dhe shkencëtarët premtojnë se ai do të mahnisë këdo që do të ketë mundësinë ta shohë, fatkeqësisht, jo në evropë. Kjo do të jetë po ashtu edhe një mundësi e rrallë për vetë shkencëtarët. Eklipse të tilla quhen edhe “Unaza zjarri’ kjo për shkak se shihet një kurorë e bukur zjarri përreth hijes së hënës. Sidoqoftë, për ata që nuk do të mund ta shohin eklipsin, NASA ofron mundësinë e një transmetimi live stream duke ofruar më të mirën e spektaklit.