Aktorja Susan Sarandon është arrestuar pasi po protestonte në Nju Jork në mbështetje të rritjes së pagës minimale për punonjësit e restoranteve. Fituesja e çmimit Oscar dhe aktivistja politike, 76 vjeç, ishte mes tetë personave, përfshirë ish-kandidaten për toger guvernator të Nju Jorkut, Ana Maria Archila, të cilët u morën në paraburgim. Ligjvënësit amerikanë kanë vendosur që të rrisin pagën minimale në 17 dollarë në orë për punonjësit e restoranteve, por kanë përjashtuar nga kjo rritje kamarierët që marrin bakshishe. 76-vjeçarja u ndalua, iu kërkua që të paraqitej kur gjykata ta thërriste dhe më pas u la e lirë. Kjo nuk është hera e parë që Susan Sarandon arrestohet në protesta. Në qershor të vitit 2018 asaj iu vunë prangat teksa protestonte ndaj politikës së imigracionit të Donald Trump. Gjithashtu është arrestuar edhe në vitin 1999 gjatë një proteste kundër të shtënave të policisë ndaj një të riu të pa armatosur afrikano-amerikan në Neë York.