Një 47-vjeçar është arrestuar nga policia në Sarandë, pasi është konstatuar duke ndërtuar pa leje. Shërbimet e Policisë konstatuan pranë plazhit “Shqiponja”, në lagjen nr.4, një sipërfaqe toke të sheshuar dhe të mbuluar me materiale ndërtimore. Nga hetimet rezultoi se kjo sipërfaqe toke po përgatitej për ndërtimin e një objekti me qëllime përfitimi nga 47 vjeçari Aleksandër Rica. Pronari u arrestua, ndërsa u pezullua nga detyra Specialisti i Policimit në Zonë, si dhe nisi procedimi disiplinor ndaj tij, pasi nuk ka konstatuar këtë paligjshmëri. Po ashtu janë hequr 48 shezlongë dhe çadra, nga hapësira e plazhit në këtë zone e cila administrohej pa leje. Lidhur me ndërtimet pa leje, ministri i Brendshë Besfort Lamallari ka zhvulluar një takim me drejtuesit e Inspektoriatit Kombëtar të Mbrojtjes së Territorit. Ministri është shprehur se çdo punonjës i IKMT në terren duhet të ketë më shumë komunikim, prani dhe më shumë përgjegjshmëri.