Aktorja Angelina Jolie, ka vendosur të hyjë fuqishëm në biznesin e modës. Duke njoftuar një sipërmarrje të re biznesi të quajtur Atelier Jolie, ajo përshkruan një lloj shtëpie të re të modës në të cilën konsumatorët luajnë rolin e stilistit, duke i ftuar ata të bashkëpunojnë me rrobaqepës, krijues modelesh dhe artizanë për të krijuar deklarata unike të modës. "Unë po ndërtoj një vend për njerëzit krijues që të bashkëpunojnë me një familje të aftë dhe të larmishme rrobaqepësish dhe artizanësh ekspertë nga e gjithë bota," tha Jolie në një deklaratë. Për më tepër, shtëpia e modës ka një prirje të drejtësisë sociale. Jolie shpreson të vendosë refugjatët në pozicione praktike si dhe të forcojë mbështetjen për "grupet e nënvlerësuara". Gjithashtu më hertë aktorja ka ndarë lajmin në llogarinë e saj personale në Instagram, duke shkruar: “Sot po nis diçka të re, një kolektiv ku të gjithë mund të krijojnë. Atelier Jolie është një vend ku njerëzit kreativë mund të punojnë me një familje të larmishme rrobaqepësish profesionistë, krijues modelesh dhe artistësh nga e gjithë bota. Kjo vjen nga vlerësimi dhe respekti im i thellë për rrobaqepësit dhe krijuesit e shumtë me të cilët kam punuar gjatë viteve, nga dëshira për të përdorur materialin dhe stokun e cilësisë së lartë dhe të mirë që tashmë është në dispozicion, dhe nga dëshira për të qenë pjesë e një lëvizjeje që nxit vetë-shprehjen”.