Kryeministri Edi Rama këtë të shtunë mori pjesë në Forumin ‘Intelligence on the Ëorld, Europe and Italy’, ku ka qenë pjesë e panelit ‘Agjenda për Europën’. Gjatë fjalës së tij, Rama insistoi për një model të ri të zgjerimit të Bashkimit Europian, përmes integrimit gradual të vendeve kandidate. Rama tha se nuk beson se vendet e BE-së do të jenë të gatshme që Shqipërinë ta pranojnë si anëtare me të gjitha kompetencat, përfshirë veton. ‘Nuk besoj se 2027-a do të na presë lumturisht me kompetencën tonë të vetos. Nuk besoj se disa kryeqytete do të kenë aftësinë t’i thonë publikut: ‘Do ta marrim Shqipërinë me kompetencën e vetos’. Nuk na duhet kompetenca e vetos për t’u ulur rreth tryezës. Imagjinoni të kesh edhe 7 të marrë të tjerë të ulur rreth asaj tryeze. Do të ishte më mirë për Europën dhe për ne’