Një 36-vjeçar shqiptar ka humbur jetën tragjikisht në një aksident I cili ka ndodhur pasditen e së enjtes ne Itali. Mediat e huaja raportojnë se viktimë e aksidentit të rëndë ka mbetur 36-vjeçari shqiptar Armando Kola. Ngjarja ndodhi në Provaglio d’Iseo, Breshia të Italisë, ku Kola ishte duke u kthyer me motor nga puna dhe u përplas me një fuoristradë tip ‘Suzuki Vitara’. Aksidenti i rëndë ndodhi rreth orës 17:30 në rrugën 510 mes Provaglio dhe Camignone. Shqiptari me origjinë nga Shkodra Armando Kola, i cili po kthehej nga puna për në shtëpinë e tij, ka humbur jetën në vendin e ngjarjes. Edhe pse një infermier që po udhëtonte në rrugë në momentin e aksidentit i dha ndihmën e parë në kohë si dhe autoambulanca nuk u vonua vendin e ngjarjes, fatkeqësisht 36-vjeçari kishte ndërruar jetë në vend. Shoferi 37-vjeçar i fuoristradës ka mbetur i tronditur nga ngjarja dhe policia po heton dinamikën e aksidentit për të zbardhur detaje të reja. Pamjet: AFP