Policia e Tropojës ka vënë në pranga një sipërmarrës që kishte ndërmarrë punime në një ndërtimi që kryhej pa leje brenda vijës së verdhë. Po ashtu bëhet e ditur se është shpallur në kërkim edhe pronari i truallit, i cili kishte porositur ndërtimin. Sipërmarrësi 46-vjeçar, lindur dhe banues në fshatin Senec-Kosovë, akuzohet për veprën penale “Projektimi, mbikëqyrja, zbatimi ose kolaudimi i paligjshëm i ndërtimeve”. Arrestimi i këtij shtetasi u bë pasi në vendin e quajtur “Ish-parku”, lagjja Dardania, në qytetin “Bajram Curri”, u konstatua duke punuar në një objekt në ndërtim, i papajisur me leje ndërtimi nga autoritetet kompetente. “Nga verifikimet e kryera rezultoi se trualli i ndërtimit rezultonte me certifikatë pronësie në emër të shtetasit mëe inicialet F. J., i cili u shpall në kërkim për veprën penale “Ndërtimi i paligjshëm”, pasi nuk u gjet në banesë gjatë kontrollit të ushtruar nga shërbimet e Policisë. Materialet procedurale i kaluan Prokurorisë, për veprime të mëtejshme.