Përfshirja e Koresë së Veriut në luftën e Rusisë kundër Ukrainës ka gjeneruar më shumë se 20 miliardë dollarë për ekonominë e saj deri më tani, sipas një vlerësimi të fundit, dhe po e ndihmon Phenianin të sigurojë edhe më shumë armë të teknologjisë së lartë. Instituti i Koresë së Jugut për Analizat e Mbrojtjes (KIDA) publikoi një raport që përshkruan vlerën e mundshme të bashkëpunimit ushtarak të Koresë së Veriut me Rusinë, pasi ajo mbështet pushtimin e Moskës në Ukrainë. Pushtimi ris i Ukrainës, i nisur në shkurt të vitit 2022, ka zgjatur shumë më shumë nga sa mendonte Moska, kryesisht për shkak të ndihmës ushtarake që i është dhënë kievit nga perëndimi. Forca e mbrojtjes së Ukrainës dhe ndikimi i sanksioneve perëndimore në ekonominë e saj e kanë detyruar Rusinë të kërkojë mbështetje në luftën e saj nga partnerët e saj, duke përfshirë Kinën, Iranin dhe Korenë e Veriut. Këto partneritete të thelluara paraqesin një sfidë strategjike për SHBA-në, e cila përballet me të tre shtetet më armiqësore në të gjithë botën. Administrata Trump po kërkon gjithashtu të përfundojë me shpejtësi luftën në Ukrainë, të cilën Koreja e Veriut po e nxit duke ndihmuar Rusinë.