Deputetja demokrate Jorida Tabaku zhvilloi këtë të enjte në Kuvend një seance pyetje-përgjigje me Ministrin e Financave, Petrit Malaj. Tabaku preku rivlerësimin e pronave, ku hodhi akuza ndaj qeverisë se përmes cmimeve të ulëta të referencës po favorizohen ndërtuesit e pallateve të cilët sipas saj paguajnë më pak taksa. Më tej ajo shtoi se qeveria po sulmon bizneset e vogla përmes kontrolleve të shpeshta të tatimeve. Ndërtuesit janë përfituesit kryesorë të kësaj që qeveria ka bërë. A nuk përbën kjo një praktikë mbrotje për ndërtuesit? Ndërtimi është një nga sektorët me informalitetin më të lartë. Ndërkohë bizneseve të vogla u janë turrur inspektorët tatimorë. Pse ministria e Financave e ka çuar në kalendat greke zbatimin e këtij projektligji. Qeveria fsheh përfituesit e vërtetë, mbron interesa kriminale e korruptive. Por për ministrin Malaj, taksimi në ndërtim bëhet në bazë të preventivit të investimit që realizojnë, dhe jo bazuar në çmimin e referencave.