Një oficer 62-vjeçar i Gardës Civile Spanjolle humbi jetën të dielën pasdite ndërsa ishte në shërbim dhe po evakuonte pasagjerët nga anija me hantavirus. Ngjarja e rëndë ndodhi në portin e Granadilla de Abona, në Tenerife, ndërsa dyshimet e para janë se ai pësoi një atak në zemër gjatë operacionit për riatdhesimin e pasagjerëve nga anija turistike Hondius, që është kthyer dhe në vatrën e shpërthimit të hantavirusit. Përmes një postimi në platformën X sindikata e Gardës Civile njoftoi lajmin duke theksuar se pavatrësisht ndihmës së parë oficeri nuk mundi të mbijetojë. “Oficeri, ndërsa ndodhej në postin e komandës operative, pësoi një atak në zemër. Pavarësisht 40 minutave përpjekjesh për ringjallje, jeta e tij nuk mundi të shpëtohej. Një tjetër koleg humbet jetën në krye të detyrës. Një tjetër familje e shkatërruar”, tha sindikata. Pak ditë më parë dhe dy oficerë të tjerë të Guardia Civil humbën jetën pas përplasjes së dy anijeve patrulluese që po ndiqnin një motoskaf trafikantësh.