Top News – Po ekploronte zonën në Malin e Jezercës/ Humb jetën turistja kroate, rrëshqiti nga lartësia

Një turiste kroate e moshës 47 vjec humbi jetën tragjikisht pasi rrëshqiti nga lartësia në Malin e Jezercës, teksa ishte nën shoqërinë e një grupi alpinistësh. Policia e shtetit në bashkëpunim me shërbimin e urgjencës dhe repartin e kërkim shpërtimit të republikës së kosovës u angazhuan për të ndihmuar një grup alpinistësh që kishin hyrë nga Mali i Zi dhe që mbetë të bllokuar në majën e Jezercës. Grupi i shpëtimit bëri të mundur nxjerrjen e trupit të pajetë të turistes, e cila u dërgua në morg për ekzminime. 47 vjecarja ishte së bashku me një grup alpinistësh po eksploronin zonën, në momentin që ajo së bashku me një kroate tjetër rrëshqitën për shkak të dëborës, duke bërë që 47 vjecarja të humbte jetën dhe turistja tjetër të plagosej. Pak ditë më parë, zona u përfshi nga reshje masive dëbore, që sipas meteorologëve në disa zona shkoi deri në 50 centimetra trashësi. Autoritetet këshillojnë turistët e huaj që të shmangin udhëtimin në këto zona pa një guidë profesioniste dhe që e njeh zonën.