Ministri izraelit i kabinetit të luftës, Benny Gantz, ka kërcënuar se do të japë dorëheqjen nëse kryeministri Benjamin Netanyahu nuk harton një plan të qartë për Gazën, pasluftës. Gantz vendosi si afat 8 qershorin, për një plan për të arritur gjashtë "qëllime strategjike", duke përfshirë fundin e sundimit të Hamasit në Gaza dhe krijimin e një administrate civile shumëkombëshe për territorin. “Nëse vendosni cështjen kombëtare mbi atë personale, tek ne do të gjeni partnerë në luftë”, tha ai. "Por nëse zgjidhni rrugën e fanatikëve dhe e çoni të gjithë kombin në humnerë, ne do të detyrohemi të largohemi nga qeveria".Netanyahu i hodhi poshtë komentet duke i konsideruar ato "fjalë të kota" që do të nënkuptonin "humbje për Izraelin". Përçarja në rritje vjen ndërsa luftimet janë ndezur në të dy skajet e Rripit të Gazës, me forcat izraelite që operojnë në qytetin jugor Rafah dhe qytetin verior të Xhabalia, një nga kampet historike të refugjatëve të Gazës dhe një zonë që ushtria izraelite tha më parë se e kishte pastruar nga luftëtarët e Hamasit.