Kryeministri belg, Aleksander De Kru, ra nga bicikleta dhe humbi për pak kohë ndjenjat por kontrollet e bëra më pas në spital nuk treguan asnjë pasojë afatgjatë – raportuan mediat lokale. Incidenti ndodhi kur De kru, 47 vjec, ishte duke ecur me bicikletë, bashkë me të birin, pasditen e të shtunës, afër shtëpisë së tij në rajonin e Flandrës. De Croo kishte humbur vetëdijen për disa momente dhe ishte dërguar më pas në spital për kontroll. Në një video mesazh të publikuar në median sociale të dielën, De Croo tha se tani ai ishte në shtëpi. “Fatmirësisht kisha në kokë helmetën mbrojtëse dhe djali im thirri menjëherë shërbimin e urgjencës”, tha De Croo, i cili falenderoi stafin mjekësor që ishte kujdesur për të dhe të gjithë personat që e kishin kontaktuar të shqetësuar. “Sporti është i mirë për shëndetin tuaj por ndonjëherë duhet treguar kujdes”, tha ai. Aksidenti nuk pritet të prekë axhendën e kryeministrit për javët në vijim, thanë nga zyra e tij.