Shërbimi Sekret tha të hënën se oficerët e tij u përballën me një individ të armatosur dhe "të dyshimtë" pranë Shtëpisë së Bardhë, i cili më vonë hapi zjarr drejt tyre përpara se të largohej në këmbë dhe të qëllohej më pas nga forcat e rendit. Incidenti çoi në një bllokim të shkurtër të Shtëpisë së Bardhë. Agjentët që patrullonin perimetrin e jashtëm të kompleksit të Shtëpisë së Bardhë identifikuan një person për të cilin Zëvendësdrejtori i Shërbimit Sekret Mattheë Quinn tha se ishte një "individ i dyshimtë që dukej se kishte një armë zjarri". Ai u largua në këmbë pasi iu afruan oficerët e Shërbimit Sekret dhe hapi zjarr në drejtim të tyre, tha Quinn në një konferencë për shtyp. Shërbimi Sekret më pas qëlloi drejt të dyshuarit i cili u godit dhe më pas u dërgua në spital, shtoi Quinn.