Të shtëna me armë zjarri pati mesditën e kësaj të shtune në Shkodër. Objektiv I sulmit ishte boksieri Arjon Kajoshi, I cili po lëvizte me një makinë tip “Land Rover’ në pronësi të babait të tij në lagjen Partizani kur u sulmua. Në drejtim të tij u qëllua katër herë. Plumbat përfunduan në automjet por fatmirësisht nuk pati të lënduar. Kajoshi zbriti menjëherë nga mjeti dhe u largua me shpejtësi ndëra drejt vendit të ngjarjes shkuan forcat e policisë. Hetuesit mblodhën provat e para ndërsa sekuestruan dhe kamerat e sigurisë rreth zonës duke bërë të mundur identifikimin e autorit. Ai është Alban Bruci, i biri i Vladimir Brucit qe u dhunua në muajin Qershor. Alban Bruci, rezulton një person me të kaluar kriminale. Ai u shpall në kërkim nga ana e policisë ndërsa kontrolle të shumta po kryhen rreth zonës. Ende nuk dihet shkaku I ngjarjes, ndërsa dyshohet se sulmi të ketë ardhur si rrjedhojë e ngjarjes të ndodhur në muajin qershor ku u dhunua babai I autorit, I cili u rrah nga pesë persona pas një konflikti për një vend parkimi.