Një ngjarje e paprecedentë është regjistruar në Parlamentin turk seancën e kësaj të premtje, mes deputetëve të opozitës dhe atyre të maxhorancës qeverisëse të Presidenti Rexhep Tayip Erdogan. Gjatë kohës që në foltore po fliste një prej deputetëve opozitarë , I cili kërkoi lirimin e kolegut të tij Can Atalay që mbahet I arrestuar për organizimin e protestavce antiqeveritare, është sulmuar me grushte fizikisht nga një deputet I mazhorancës. Në pamje shihen deputetët e partisë në pushtet, AKP, teksa nisen drejt foltores duke e sulmuar deputetin opozitar Ahmet Sik. Më pas edhe dhjetëra deputetë të tjerë u përfshinë në përleshje. Atalay është dënuar me 18 vite burg më 2022 mbi akuzat se është përpjekur të rrëzojë qeverinë përmes organizimit të protestave mbarkombëtare në Parkun Gezi më 2013 së bashku me filantropin Osman Kavala, gjithashtu i burgosur dhe gjatë persona të tjerë. Pavarësisht vendimit të gjykatës, të gjithë i mohojnë akuzat. Atalay u zgjodh deputet në maj të vitit të kaluar me Partinë e Punëtorëve të Turqisë (TIP). Parlamenti ia hoqi mandatin, por më 1 gusht Gjykata Kushtetuese e shpalli të pavlefshëm vendimin për përjashtimin e tij, e për këtë opozita kërkon lirimin e tij.