Koreja e veriut do të ndërmarrë një sulm ushtarak të menjëhershëm si reagim ndaj cdo provokimi, tha kim jo jong, motra dhe aleatja kryesore e liderit Kim Jong Un të dielën ndërsa vendi hapi zjarr me artileri afër kufirit me korenë e jugut, për të tretën ditë radhazi. Komentet vijnë pasi ushtria e koresë së jugut tha se veriu kishte lëshuar më shumë se 60 predha artilerie të shtunën, pranë kufirit detar mes tyre ndërkohë që një ditë më herët, predhat e lëshuara ishin më shumë se 200. Sërish, koreja e veriut lëshoi më shumë se 90 predha të dielën, sipas seulit. “Dua të bëj edhe një herë të qartë se gatishmëria e ushtrisë popullore të koresë së veriut është e lartë”, tha Kim Jo Jong, një nga anëtarët më të fuqishëm të regjimit të Kim Jong unit në një deklaratë të publikuar nga agjencia shtetërore e lajmeve KCNA. “Sic është thënë edhe më parë, ushtria koreano veriore do të nisë menjëherë sulmin nëse armiku bën edhe provokimin më të lehtë” – vijoi ajo. Edhe pse koreja e jugut ka zhvilluar stërvitje ushtarake në det, të premten, si përgjigje ndaj predhave të artilerisë, agjencia e lajmeve Yonhap tha se vendi nuk kishte në plan të bënte të njëjtën gjë edhe të shtunën apo të dielën. Stërvitjet në të dyja anët e kufirit të premten cuan në paralajmërime për banorët e ishujve kufitarë të koresë së jugut, që të hyjnë në vendstrehime edhe pse nuk pati raporte për kalim të kufirit detar nga predhat.