Mbledhja e Këshillit Kombëtar të Partisë Demokratike, ku u prezantuan dhe më pas votuan emrat e kandidatëve për nënkryetarët, sekretarin e Përgjithshëm dhe sekretariatet u shoqërua me debate. Anëtarja e Këshillit të PD, Ilirjana Kuçana pati një përplasje me kreun e partisë Sali Berisha, menjëherë sapo ky i fundit përfundoi se lexuari listat me kandidatët për zgjedhjet e brendshme në parti. Ajo hodhi akuza ndërsa I tha Berishës se kërkon që të bëjë përsëri sekretar të përgjithshëm të Partisë Flamur Nokën. Kuçana akuzoi në dalje drejtuesit e PD se nuk kanë një plan për të mbështetur protestuesit dhe për tu bashkuar me ta. Ndërkohë Berisha tha se PD është e vetmja forcë politike që votën e paraqet para mediave. Gjatë fjalës së mbajtur në Këshillin Kombëtar kryetari i PD-së, Sali Berisha bëri thirrje demokratëve që të vazhdojnë të mbështesin protestën që po mbahet prej 46 ditësh në shesh, kundër qeverisë.