Gjykata e Posaçme dënoi me 6 vite burg Florenc Çapjan, Alket Xhixhën dhe Elvin Merlika, që akuzohen për sigurimin e kushteve dhe mjeteve për të kryer vrasje dhe kryerja e veprave penale në kuadër të një grupi të strukturuar kriminal. Çapja u dënua me burg për sigurimin e kushteve dhe mjeteve për vrasjen e Sokol Sanxhaktarit, ndërsa Alket Xhixha dhe Elvin Merlika për sigurimin e kushteve për vrasjen e Indrit Dokles. Sanxhaktari konsiderohej si armik nga Çapjat në Elbasan, ndërsa eliminimi i Indrit Dokles është kërkuar nga Ervis Martinaj, që rezulton i zhdukur prje gushtit të vitit 2022. Sipas bashkëpunëtorit të drejtësisë Nuredin Dumani, Ervis Martinaj ofroi 500 mijë euro për të vrarë Indrit Doklën, pasi e kishte kundërshtar.