Një ekuipazh astronautësh mbi një asteroid që po i afrohet tokës. Ky duket si një skenar filmi me fundin e botës, por mund të bëhet realitet. Nasa në fakt po projekton dërgimin në të ardhmen, të një grupi astronautësh mbi një trup qiellor që kërcënon planetin tonë. Plani duket se është frymëzuar nga një fjalim i ish presidentit amerikan, Barak Obama. Ai që ka zbuluar projektin e NASA-s është Mark Ëhittington, ekspert i misioneve hapësinore, për të përditshmen amerikane The Hill. Fjalimi që ka frymëzuar planin e NASA-s, është ai i mbajtur nga Obama në qendrën hapësinore Kenedi, në 2010-ën. Në atë kohë, njeriu më i fuqishëm i botës donte thjeshtë të shuante polemikat e ndezura nga anulimi i programit Constellation, tentativa e fundit për tu kthyer në hënë. Si cmim ngushëllues, ai kishte propozuar dërgimin e një ekuipazhi astronautësh mbi një asteroid që po i afrohej tokës, para se të niste një ekspeditë me ekuipazh drejt Marsit. Propozimi i Obamës nuk ishte serioz por nga andej lindi ideja e projektit Asteroid Redirect mission, që parashikonte devijimin e një asteroidi të vogël drejt orbitës hënore, ku do të ishte e mundur dërgimi i një mjeti hapësinor orion me ekuipazh në bord. Një ide që sidoqoftë u la mënjanë shpejt dhe pa pendesa kur presidenti donald trump mori detyrën dhe nisi programin Artemis për të kthyer njeriun në hënë, para se të miratonte ekspedita me ekuipazh në Mars. Artemis ka shënuar një sukses të ndjeshëm teknik dhe politik. Artemis 1, një mision pa ekuipazh përreth hënës, ia doli mbanë për mrekulli. Edhe presidenti Joe Biden ka mbështetur projektin Artemis dhe tani është përzgjedhur një mision për artemis II, që do të shkelë në hënë...