Planeti Tokë ka përjetuar vitin e tretë më të ngrohtë të regjistruar ndonjëherë, thanë shkencëtarët e BE-së të mërkurën. Viti i kaluar ishte gjithashtu më i nxehti i regjistruar ndonjëherë për Antarktidën, një tjetër kambanë alarmi kjo se ndryshimi i klimës po mbërthen edhe kontinentin e largët, të mbuluar me akull, i cili për dekada dukej i mbrojtur prej tij. Për planetin në tërësi, viti 2025 erdhi si viti i tretë më i nxehtë i regjistruar ndonjëherë, sipas të dhënave të reja nga Qendra Evropiane për Parashikime të Motit. Nxehtësia e bëri motin ekstrem më të rrezikshëm, duke përfshirë intensitetin e Uraganit Melissa në Karaibe dhe shirat në Pakistan që vranë më shumë se 1,000 njerëz. Në 2025, temperaturat mesatare në sipërfaqen e Tokës arritën në 1.47C, më të larta se nivelet e 150 viteve më parë, pas 1.6 gradëve Celcius në vitin 2024, që ishte edhe viti më i ngrohtë i regjistruar ndonjëherë, dhe vitit 2023 në vendin e dytë.