Agjencia hapësinore amerikane, NASA, ka detajuar zyrtarisht planin e saj 28 miliardë dollarësh për rikthimin në hënë deri në 2024. Në kuadër të programit të quajtur Artemis, NASA do të dërgojë në sipërfaqen e hënës një burrë dhe një grua, në uljen e parë me njerëz që nga viti 1972. Por, sidoqoftë, nasa është në duart e kongresit, që duhet të miratojë 3.2 miliardë dollarë për ndërtimin e një sistemi uljeje në hënë. Astronautët do të udhëtojnë në një kapsulë të ngjashme me apollon, të quajtur Orion, që do të lancohet mbi një raketë të fuqishme të quajtur SLS. Në korrik të 2019, Bridenstine kishte thënë se gruaja e parë astronaute që do të shkelte në hënë në 2024, do të ishte dikush me eksperiencë, që kishte qenë më parë në stacionin hapësinor ndërkombëtar. Në atë kohë, kishte 12 astronaute aktive femra ndërkohë që tani atyre u janë shtuar edhe pesë astronaute të reja që u diplomuan pas një trajnimi më herët këtë vit. Sidoqoftë mbetet e paqartë nëse ato do të mund të plotësojnë kriteret në kohën e duhur për tu bërë pjesë e misionit të parë të tillë, pas kaq kohësh, në 2024.