Kryedemokrati, Lulzim Basha, u takua me përfaqësues të komuniteteve të ardhura në Durrës. Basha ka dëgjuar shqetësimet e qytetarëve ku kryefjala mbetej infrastruktura e munguar në zonat ku banojnë, pagat e mësuesve dhe mungesa e personelit mjekësor në spitalin e Durrësit. Kreu i Partisë Demokratike, u zotua se ka një plan konkret urbanistike i cili nuk përfshin vetëm ndërtimet por edhe ujin, kanalizimet dhe ndriçimin. Basha e cilësoi qeverisjen 8 vjeçare, një dështim në krijimin e një plani të mirëfilltë urbanistik për zonat e mëdha informale të qytetit. Basha tha që dështimi i qeverisë në të gjithë sektorët e shtetit shihet edhe në fushatën që po bën kryeministri në ikje duke u kthyer në një satelit të kreut të opozitës. Lulzim Basha theksoi se nëse PD fiton besimin e qytetarëve për të qeverisur vendin në 4 vitet e ardhshme, dy prioritetet e kryesore që ka janë dyfishimi i pagës së mësuesve dhe ndalimi i largimit masiv të mjekëve jashtë Shqipërisë. Në mbyllje të takimit Basha u përshëndet me simpatizantët e mbledhur në vendin ku zhvillohej takimi elektoral.