Disa media ndërkombëtare, përfshirë Ëall Street Journal, kanë raportuar një "plan sekret" të përgatitur nga Gjermania për t'u përballur me një luftë të mundshme kundër Rusisë. Ky plan në fakt ka ekzistuar për një kohë të konsiderueshme, që nga viti 2022, dhe, me sa duket, është pak sekret. Dokumenti i klasifikuar nga Ministria Gjermane e Mbrojtjes përmban më shumë se 1,200 faqe plane logjistike dhe skenarë që në thelb përshkruajnë se si NATO do të vendoste deri në 800,000 ushtarë dhe 200,000 automjete ushtarake në tokën gjermane nëse Moska do të niste një sulm në territorin evropian. Sigurisht, detajet e ndjeshme të programit mbrohen nga sekreti. Një zëdhënës i Komandës Gjermane shpjegoi se plani i luftës specifikon kërkesat që duhet të përmbushin Bundesëehr-i dhe subjektet e tjera shtetërore dhe civile të mbrojtjes. "Për arsye sigurie, nuk mund të hyjmë në detaje dhe për këtë arsye nuk mund të konfirmojmë të dhënat e raportuara në media", tha zëdhënësi. Por çfarë parashikon Plani Gjerman i Luftës? Ai është një dokument jo-detyrues, "konsultativ" dhe analitik i lëshuar për t'i treguar Kremlinit se forcat evropiane, të udhëhequra nga amerikanët, janë më shumë se të gatshme të shkojnë në luftë. Kapitujt e ndryshëm identifikojnë portet, rrjetet hekurudhore, rrugët e lumenjve dhe autostradat që NATO do të përdorte për të grumbulluar forcat përgjatë kufirit lindor. Vëmendje e veçantë i kushtohet autostradës A2, gati 500 kilometra e gjatë, e cila shkon nga qyteti perëndimor i Oberhausen deri në periferi të Berlinit, pranë kufirit me Poloninë. Si në çdo gjendje lufte, infrastruktura civile bëhet pjesë integrale e planeve të mbrojtjes. Por, dekada investimesh të pamjaftueshme kanë lënë urat, hekurudhat, portet dhe autostradat në gjendje të keqe. Një dobësi serioze kjo që Rusia mund ta shfrytëzojë.