Gëzim Sinomati dyshohet i ekzekutuar për llogari të babait të tij. Gëzim Sinomati, është djali i Sokol Sinomatit i njohur me pseudonimin Sokol Buzëderri anëtar i bandës së Gaxhait e cila operonte në vitin 1997 në Vlorë. Ai u arratis nga burgu i Peqinit në vitin 2017, pasi kishte marrë leje në burgun e Peqinit dhe nuk u kthye më, ku vuante dënimin per vrasjen e Elton Tatos dhe plagosjen e Robert Borakut, ngjarje që sipas vendimit të gjykatës së Vlorës ka ndodhur në 26 qershor të vitit 2002. N at koh Sokol Sinomati, n bashkpunim me Armando Sulejmanin kishin bërë pritë shtetasve Elton Tato dhe Robert Boraku në një lokal në Vlor ku kishin qenë duke parë një ndeshje futbolli. Sokoli ka qëndruar duke pritur në makin në vendin e pasagjerit, ndrësa Armando ka dalë jashët makinës. Elton Tato dhe Robert Boraku pasi kanë dalë nga lokali kanë ndaluar makinën përbri Armandos i cili iu ka kërkuar të shkonin pranë makinës së tij. Pasi asnjëri nuk ka pranuar, Eltoni ka dalë nga makina dhe i ka vendosur në kokë pistoletën Armandos. Te dy, Eltoni dhe Roberti kanë futur në mes Armandon dhe në momentin që po i afroheshin automjetit tip fuoristrade, që ishte e parkuar qysh më parë, Armando i ka bërë thirrje Sokolit që gjendej brenda në pritje të viktimave “o Sokol qëlloi vriti”. Me këtë thirrje, Sokol ka dalë menjëherë nga makina dhe me armën tip automatik ka hapur zjarr me breshëri në drejtim të shtetasit Elton e Robert, ku si pasojë ka mbetur i vdekur në vend shtetasi Elton, ndërsa Roberti është larguar me vrap duke iu shpëtuar plumbave.