Popullësia e BE parashikohet që të bjerë në 432 milionë nga 451 që janë aktualisht deri në vitin 2070. Por nga ana tjetër numri i të moshuarve po rritet me shoejtësi, ku rreth 25 për qind e saj tashmë është mbi 65-vjeç. Nërkohë numri i punëtorëve ka ardhur në ulje, për të mbuluar pensionet qeveritë po përdorin buxhetin e shtetit për të plotësuar boshllëqet që po krijohen. Gjermania, Italia por dhe shtete të tjera po rrisin fondet. Raportet e Komisionit Europian tregojnë se Gjermania ka tejkaluar 100 miliardë euro këtë vit, ndërsa brenda vitit 2040 parashikohet që shifra të shkojë në 150 miliardë. Italia nga ana tjetër vijon të jetë vendi që po shpenzon më shumë nga PBB-ja e saj. Ndërkohë sipas Top Channel, vendet baltike kanë zgjedhur rrugë të ndryshme.Sigurimi i pensioneve ndjek kryesisht një rregull të thjeshtë, vetëm ajo që paguhet në kontribute mund t’u paguhet pensionistëve. Në shtetet baltike, normat relative të varfërisë midis të moshuarve janë ndër më të lartat në Evropë, sepse pensionet nuk ecin me ritmin e pagave dhe çmimeve. Pavarësisht nga sistemi i pensioneve në secilin vend, pensionet e ardhshme do të jenë më të ulëta se pagat, përveç nëse qytetarët punojnë më gjatë ose kalojnë në pensione private.