Pas aksidentit të rëndë të ndodhur një ditë më parë në një prej minierave të Bulqizës, ku u plagos fadromisti 31-vjeçar, janë vënë nën hetim tekniku dhe brigadieri. Ata janë të dy banues në Bulqizë, ku njëri kryente detyrën e përgjegjësit të sektorit në një subjekti minerar, ndërsa 48 me inicialet F.K vjeçari me detyrë brigadier, kryente detyrën e brifgadierit. Të dy personat e ndaluar nga policia akuzohen për veprën penale “Shkelja e rregullave të mbrojtjes në punë”. Sipas rregullores dhe përcaktimit ligjor ata kanë pasur detyrimin ligjor për kontrollin e gjendjes teknike të galerisë, ku si pasojë e neglizhencës së tyre, në një nga puset e subjektit minerar, gjatë punës është lënduar punonjësi. 31-vjeçari i plagosur ndodhej në nivelin e 8 të minierës, në sektorin e Qafës së Buallit, teksa punonte si fadromist kur është shembur një pjesë e armaturës. Të mërkurën ai është transportuar në spitalin e Traumës në Tiranë me helikopter, ku ndodhet jashtë rrezikut për jetën. Aksidenti në sektorin 8 të minierës së Bulqizës është pikasur nga minatorët e tjerë, të cilët ndodheshin në afërsi të frontit të punës ku po punonte ai. Minatorët kanë mundur ta nxjerrin nga inertet e kromit, duke e dërguar kolegun e plagosur drejt spitalit të Bulqizës, ku i është dhënë ndihma e parë. Aksidentet në minerë për fat të keq janë të përsërituraa në zonën e Bulqizës, kjo për shkak të mungesës së sigurisë në punë.