Një punonjës policie është plagosur me armë zjarri, ndërsa ishte jashtë shërbimit, mesnatën e së dielës, në zonën e Shkozës. 30-vjeçari, I identifikuar si Anxhelo Kumaraku në momentin e plagosjes me armë ka qenë pranë banesës së tij nën shoqërinë e një fqinji, I cili ishte nën masën e arrestit shtëpiak. Dyshohet pararakisht se shenjestër e atentatit ka qenë fqinji i tij. Efektivi 30-vjeçar, I cili punonte pranë komisariatit nr.4 në Tiranë është transportuar në spital dhe ndodhet jashtë rrezikut për jetën. shërbimet e Policisë kanë identifikuar autorin e plagosjes, kanë pika kontrolli dhe po vijojnë kontrollet intensive në zonë, me qëllim kapjen e tij. Sakaq, grupi hetimor dhe Agjencia e Mbikëqyrjes Policore (AMP), nën drejtimin e Prokurorisë, po punojnë për sqarimin e plotë të rrethanave dhe dokumentimin ligjor të ngjarjes.