Një 45-vjeçar është plagosur këtë të hënë në zonën e Komunës së Parisit në Tiranë. Viktima është identifikuar si shtetasi Lorenc Kosta, ndërsa autori i dyshuar i ngjarjes është, Erjon Goxhara, efektiv policie që shërben te forcat Shqiponja. Ngjarja ka ndodhur rreth orës 14:00, pranë një supërmarketi dhe në prani të qytetarëve të tjerë që u bënë dëshmitarë të krimit makabër. Dëshmitë paraprake të mbledhura nga policia tregojnë se mes autorit dhe viktimës ka pasur fillimisht një debat, më pas efektivi i policisë ka nxjerrë pistoletën dhe e ka qëlluar disa herë. Autori më pas është larguar me një automjet. Në vendin e ngjarjes mbërritën forca të shumta policie dhe vetë kreu i policisë së Tiranës, Tonin Vocaj. Vocaj tha se kishte komunikuar me autorin dhe e këshilloi atë që të vetëdorëzohet.